ಮನಸ್ಸುಮ...

ಹನಿಗವನಗಳು

ದಿನಕರನಿಗೆ ಲೋಕದ ಚಿಂತೆ 
ತಾನು ಅಸ್ತಮಿಸಿದ ನಂತರ ಏನು ಕತೆ..?
ಚಂದ್ರನಿಲ್ಲದ ರಾತ್ರಿಯಲಿ ಜನ ಹೇಗಿರುವರೋ ಕತ್ತಲ ಜೊತೆ..?
ಸೂರ್ಯನ ವ್ಯಥೆ ನೋಡಿದ ಹಣತೆ
ನಿಧಾನವಾಗಿ ಹೇಳಿತ್ತಂತೆ,
"ನಾನುರಿದು ಬೆಳಕ ತರುವೆ ಮತ್ತೆ.."

(ಎಲ್ಲೋ ಓದಿದ್ದ ಕತೆಯೊಂದರ ಸಾರಾಂಶ..)

 ***

ತುಳುಕಿದ ಕಣ್ಣೀರಿಗೆ ಕೇಳಿದೆ,

"ಕಣ್ಣಿಂದ ಹೊರಗೇಕೆ ಬಂದೆ..?"

ಕಣ್ಣೀರು ಹೇಳಿತು,

"ನನಗೆ ಜಾಗವೆಲ್ಲಿದೆ..? 

ನಿನ್ನ ಇನಿಯನ ನೆನಪು ,ಕನಸು

ಕಣ್ಣ ತುಂಬಿದೆ.
ಅದಕ್ಕೆ ನಾನು ಕೆನ್ನೆಯ ಮೇಲೆ ಹರಿದೆ.."

 ***

ನಾನು ಕವಯತ್ರಿಯಲ್ಲ
ಭಾವನೆಗಳನ್ನು ಪುಟಕ್ಕಿಳಿಸಲು, ನಿನಗೆ ತಿಳಿಸಲು
ಪದಗಳ ಹುಡುಕಾಟದಲ್ಲಿರುವೆ..!

ಆದರೂ ನಿಜವಾದ ಪ್ರೀತಿಗೆ
ಅಕ್ಷರಗಳ ಅವಶ್ಯಕತೆ ಇಲ್ಲ
ಕಣ್ಣಿನ ಭಾಷೆಯೊಂದೇ ಸಾಕಲ್ಲವೇ..?

ಬಿಸಿಲಿಗೆ ಬಾಯಾರಿ ಬಾಯ್ದೆರೆದ ಭುವಿ ನಾನಾಗಿರಲು
ಬಾನಧಾರೆಯಾಗಿ  ನೀ ಬಂದು
ಮಳೆಬಿಲ್ಲ ವರ್ಣಗಳಿಂದ ನನ್ನ ಸಿಂಗರಿಸುವೆಯಲ್ಲವೇ.. ?
***